गर्मी का मौसम मां बणियू रंदू बीमारियों कू खतरा

देहरादून, वीरेंद्र दत्त गैरोला। गर्मी का मौसम मां गर्म हवाओं अर तेज धूप की वजह से तरह-तरह की बीमारियों कू खतरा बणियू रंदू। गर्मी मां शरीर मां पानी की कमी होण या लू लग जाण, दस्त और उल्टी की समस्या आम तौर पर देखी जांद। गर्मी का दिनों मां हमू तैं अपनी डाइट पर खास ध्यान रखण की जरूरत होंद। बासी खाणू अर फ्रिज मां रखियां फूड का सेवन से परहेज करियू चैंद। ये सी फूड पॉइजनिंग कू खतरा होंद। नारियल पाणी खूब पिनियू चैंद। न्यूट्रिएंट्स अर इलेक्ट्रोलाइट्स से भरपूर नारियल पाणी गर्मी का दिनों तैं वरदान साबित होंदू। नारियल पाणी में मिलण वाला इलेक्ट्रोलाइट्स बॉडी तैं डिहाइड्रेशन सी बचैंदन। पेट तैं ठंडू रखण का साथ ही ये एसिडिटी अर ब्लोटिंग जनी समस्याओं से भी बचै सकदन। तरबूज कू सेवन गर्मियों मां बेहद फायदेमंद होंद। ये मां 92 प्रतिशत तक सिर्फ पानी की मात्रा होंद। गर्मी का दिनों मां यू शरीर तैं ठंडू रखण का साथ ही हाइड्रेटेड रखण मां सहायक होंद। ये मां विटामिन ए अर सी पाए जांद। साथ ही यू एंटीऑक्सिडेंट सी भी भरपूर होंद। यू शरीर मां रोगों सी लड़न की क्षमता कू भी विकास करदू। गर्मियों का दिनों मां खीरा अर ककड़ी कू सलाद खूब खायूं चैंद, ये मां भरपूर पाणी मिलदू। ये सी शरीर तैं ठंडक मिलदी अर पेट से जुड़ी समस्याएं खत्म होंदिन।